Նոր Հաճնում տեղի ունեցավ մահացած երեխաների ու տատիկի հոգեհանգիստը (լուսանկարներ) news.am

Նոր Հաճնի մշակույթի տանն այսօր` նոյեմբերի 19-ին, տեղի ունեցավ գազի թունավորումից մահացած ընտանիքի անդամների հոգեհանգիստը:

Ընտանիքի տատիկին ու նրա խնամակալության տակ գտնվող 4 թոռներին վերջին հրաժեշտը տալու էին եկել ինչպես բարեկամները, այնպես էլ ընկերները, համադասարանցիները, գրում է news.am-ը:

Երեխաների հայրը, որը բնակվում էր Ուկրաինայում, այսօր առավոտյան է ժամանել Հայաստան: Հոգեհանգստին ներկա էին նաեւ քաղաքային եւ մարզային իշխանության ներկայացուցիչներ: