ԼՈՒՍԱՆԿԱՐՆԵՐ. Աննա Հակոբյանը Դարիգա Նազարբաևայից ազգային հագուստ է նվեր ստացել
ՀՀ վարչապետի տիկին Աննա Հակոբյանը ֆեյսբուքյան իր էջում լուսանկարներ է հրապարակել՝ կից նշելով.
«Այսօր առավոտյան կառավարական առանձնատանը հյուրընկալել եմ Ղազախստանի խորհրդարանի Սենատի նախագահ Դարիգա Նազարբաևային: Ջերմ ու ընկերական մթնոլորտում զրուցել ենք տիկին Նազարբաևայի Երևան այցի մասին: Նրան ներկայացրել եմ իմ ղեկավարած երկու հիմնադրամների գործունեությունը:
Ավելի ուշ տիկին Նազարբաևայի հետ այցելել ենք քաղցկեղ և արյան հիվանդություններ ունեցող փոքրիկներին, նրանցից ստացել շատ ջերմություն ու լավատեսություն: Ի հիշատակ մեր հանդիպման, տիկին Նազարբաևայից նվեր եմ ստացել՝ ղազախական ազգային հագուստ, ինչի համար շնորհակալ եմ»:
