Թրամփը սպառնացել է Թաիլանդին և Կամբոջային՝ նոր մաքսատուրքերով
ԱՄՆ նախագահ Դոնալդ Թրամփը հայտարարել է, որ Թաիլանդի և Կամբոջայի միջև ռազմական գործողությունների վերսկսման դեպքում Վաշինգտոնը կարող է խզել առևտրային համաձայնագրերը և սահմանել նոր մաքսատուրքեր այդ երկրների նկատմամբ։
Այս մասին Թրամփը ասել է The Wall Street Journal-ին տված հարցազրույցում՝ ընդգծելով, որ նախապես զգուշացրել է երկու կողմերին հնարավոր տնտեսական հետևանքների մասին։
«Ես նրանց ասել եմ. եթե սկսեք պատերազմ, ես ոչ միայն կխզեմ մեր առևտրային համաձայնագիրը, այլև մաքսատուրքեր կսահմանեմ ձեր երկրների նկատմամբ», – նշել է ԱՄՆ նախագահը։
Հիշեցնենք, որ դեկտեմբերի 12-ին Դոնալդ Թրամփը հայտարարել էր Թաիլանդի և Կամբոջայի միջև ռազմական գործողությունների դադարեցման մասին։ Սակայն կարճ ժամանակ անց տեղեկություններ տարածվեցին, որ բախումները չեն դադարել, իսկ կողմերը միմյանց կրկին մեղադրել են հարվածներ հասցնելու մեջ։
