ԵՄ-ի կողմից ՌԴ ակտիվների օգտագործումը կարող է դիտարկվել պատերազմի հայտարարում. Օրբան

Հունգարիայի վարչապետ Վիկտոր Օրբանը կոշտ հայտարարությամբ է հանդես եկել՝ մեկնաբանելով Եվրամիության կողմից Ռուսաստանի սառեցված ակտիվների հնարավոր օգտագործման հարցը։ Նրա խոսքով՝ նման քայլը միջազգային հարաբերություններում կարող է ունենալ ծայրահեղ վտանգավոր հետևանքներ։

«Պետությունից հարյուրավոր միլիարդների բռնագրավումը պատմության մեջ երբեք չի մնացել առանց պատասխան քայլերի», – հայտարարել է Օրբանը՝ ընդգծելով, որ նման որոշումները կարող են ընկալվել որպես բացահայտ թշնամական գործողություն։

Հունգարիայի վարչապետը նաև հավելել է, որ վստահ է՝ այդ միջոցները ապագայում պետք է վերադարձվեն։

«Նրանք մեզ ամեն ինչ կվերադարձնեն»,- ասել է նա՝ ակնարկելով, որ իրավիճակը չի կարող ավարտվել միակողմանի տնտեսական քայլերով։