Փորձագետները նկարագրել են Խաչատուրյան քույրերի հոգեկան վիճակը սպանության պահին

Հոգեբանները որոշել են՝ հոր սպանության մեջ մեղադրվող Խաչատուրյան քույրերից Անգելինան ու Կրիստինան հանցանքի պահին հոգեբանական շեղումներ են ունեցել, կրտսեր քույրը՝ Մարիան, աֆֆեկտի վիճակում չէր և ամբողջովին գիտակցում էր իր գործողությունները: Այս մասին պարզ է դարձել փորձագիտական եզրակացությունից:

Մարիա Խաչատուրյանը նախքան դանակով հարված հասցնելը որևէ հոգեկան խնդիր չի ունեցել, աֆֆեկտի վիճակում չի եղել, որևէ այլ հոգեկան խախտում չի ունեցել, ամբողջովին գիտակցել է իր գործողությունները, կառավարել է դրանք, ամբողջությամբ հասկացել է իր գործողությունների վտանգավորության աստիճանը:

Սպանված Միխայիլ Խաչատուրյանի պաշտպան Յուլիա Նիտչենկոն, մեկնաբանելով փորձագետի եզրակացությունները, հայտնել է, որ գոյություն ունի նաև երկրորդ եզրակացություն, որում արված ենթադրությունների մի մասը հակասում է ներկայացված եզրակացությանը: