SHAMSHYAN.com-ը հայտնում է, որ երեկ՝ նոյեմբերի 6-ին, ոստիկանության Էրեբունու բաժին են բերման ենթարկել մի քանի քաղաքացու: Նշված անձինք բերման են ենթարկվել Խաչիկ Դաշտենցի փողոցից և նրանք են՝ Երևանի բնակիչներ, 27-ամյա Վարդկես Ջուլհակյանը, 28-ամյա Վրեժ Ծատուրյանը և 26-ամյա Սարգիս Հարությունյանը: Ոստիկանությունում անձնական խուզարկությամբ Ս. Հարությունյանի մոտ հայտնաբերվել է «Վալտեր ՊՊ» տիպի գազային ատրճանակ : Ոստիկանները պարզել են, որ նոյեմբերի 2-ին՝ ժամը 20:00-ի սահմաններում, Խաչիկ Դաշտենցի փողոցի 20 հասցեի մոտ գումարային հարցի շուրջ Վ. Ջուլհակյանը վիճաբանել է Երևանի բնակիչ, 28-ամյա Լևոն Բազինյանի հետ, որի ժամանակ էլ, ըստ ոստիկանությունում ստացված օպերատիվ տվյալների՝ զենք է օգտագործվել: Ոստիկանությունը պարզում է՝ արդյոք այդ պահին կրակոցներ հնչել են, թե ոչ, իսկ բերման ենթարկելիս Ս. Հարությունյանը իր մոտ ունեցել է զենքի օրինական թույլտվության համապատասխան թղթեր: 

Գ. Շամշյանի տեղեկություններով՝ բերման ենթարկվածներից Վ. Ջուլհակյանը աշխատում է «ՀԿԵ» ՓԲԸ-ում հերթափոխի պետ, Վ. Ծատուրյանը՝ նույն ՓԲԸ-ում՝ անվտանգության աշխատակից, իսկ Ս. Հարությունյանը՝ նույն ՓԲԸ-ում՝ որպես վարորդ: