Դավիթաշենի նախկին թաղապետ Ռուբեն Գևորգյանի (Ծաղիկ Ռուբո) ընտանիքի կողմից «Դեյզի» այգին սեփականաշնորհելու փաստի վերաբերյալ ԱԱԾ-ում քրեական գործ է հարուցվել։ Գլխավոր դատախազությունից Factor.am-ին հայտնել են. «Ի թիվս այլ տարածքների, նաև Տիգրան Պետրոսյան 44/2 հասցեում գտնվող հողատարածքի օտարման գործընթացի հետ կապված Երևանի քաղաքապետարանի պաշտոնատար անձանց կողմից առերևույթ շահադիտական կամ անձնական այլ շահագրգռություններից ելնելով պաշտոնեական փաստաթղթերում ակնհայտ կեղծ տեղեկություններ մտցնելու և պաշտոնեական լիազորությունները չարաշահելու դեպքի առթիվ ՀՀ ԱԱԾ քննչական դեպարտամենտում ՀՀ քրեական օրենսգրքի 308-րդ հոդվածի 2-րդ մասի և 314-րդ հոդվածի հատկանիշներով հարուցվել է քրեական գործ»։