Խնդրում եմ, որ ոչ մեկն այս ակցիան չքաղաքականացնի. դասախոսը՝ ուսանողների բողոքի մասին

Այսօր ԵՊՀ հայ բանասիրության ֆակուլտետի ուսանողները դասադուլ են հայտարարել: Նրանք բողոքում են բուհական ծրագրերում հայոց լեզու, հայոց պատմություն և հայ գրականություն առարկաները ոչ պարտադիր դարձնելու մասին որոշման դեմ: 

«Խնդրում եմ, որ ոչ մեկն այս ակցիան չքաղաքականացնի, այս ֆակուլտետի ուսանողները կանգնած են եղել հեղափոխության ակունքներում, կանգնած եմ եղել անձամբ ես, պարզապես մենք ուզում ենք ավելի լավ բան տեսնել ու ակցիան, որ ուսանողները կազմակեպել են, զուտ ֆիզիկապես կանգնած ենք իրենց կողքին, հիմա էլ առիթ եղավ խոսեցի։ Ի՞նչ է նշանակում կպնել ազգի ինքնությունը որոշող առարկաներին, պետք չէ մեզ օրինակներ բերել արտասահմանյան բուհերի, հիմա ես էլ կարող եմ տասնյակ այլ բուհերի օրինակներ բերել», - լրագրողների հետ զրույցում ասաց դասախոսներից Աշոտ Տեր-Մինասյանը։