ՏԵՍԱՆՅՈՒԹ. Տարեցների խնդիրները պետք է հոգալ. Ուրիխանյանը` թոշակների բարձրացման խնդրի մասին
Թոշակառուները Հայաստանում մեղմ ասած ստանում են կենսակերպն ապահովելու համար չափազանց անբավարար միջոցներ, օրը մի կերպ քարշ են տալիս և ամսվա արդեն առաջին օրերին մտածում են գումար հայթայթելու մասին՝ առաջնային կարիքները հոգալու համար, ԱԺ առողջապահության և սոցիալական հարցերի հանձնաժողովի նիստի ժամանակ այսօր նման համոզմունք հայտնեց պատգամավոր Տիգրան Ուրիխանյանն ընդգծելով՝ թոշակների բարձրացումը պետք է առաջնային խնդիր լինի։
«Ասվում է՝ Հայաստանում փող կա, բյուջեն ընդլայնվում է։ Պետք է արդաացված և օբյեկտիվ ծախսեր իրականացնել։ Էլ ո՞ւմ, եթե ոչ տարեցների խնդիրները պետք է հոգալ», - ասաց նա՝ նշելով, որ համատեղության կարգով մեկից ավելի գործատուների մոտ աշխատող քաղաքացիների՝ կենսաթոշակ ստանալու տարիքում պետք է հատկացնել նաև երկրորդ աշխատավարձի չափին համապատասխան կենսթոշակ։
Տեսանյութը Shantnews.am-ի:
