![Ռոբերտ Քոչարյանի մոտ ուռուցք է եղել. Լևոն Քոչարյանը մանրամասնում է](https://auroranews.am/storage/img/base_image/old/2d3248233d76f48789464acc1c17b8dc.webp)
Ռոբերտ Քոչարյանի մոտ ուռուցք է եղել. Լևոն Քոչարյանը մանրամասնում է
![Ռոբերտ Քոչարյանի մոտ ուռուցք է եղել. Լևոն Քոչարյանը մանրամասնում է](https://auroranews.am/storage/img/base_image/old/2d3248233d76f48789464acc1c17b8dc.webp)
Ռոբերտ Քոչարյանի մոտ ուռուցք է եղել, որն էլ վիրահատել են։ Այս մասին լրագրողների հետ զրույցում ասաց նրա որդին` Լևոն Քոչարյանը։
Նշենք, որ քիչ անց Երևանի ընդհանուր իրավասության դատարանում կմեկնարկի Քոչարյանի դեմ քրգործով հերթական դատական նիստը։
«Փոքրիկ ուռուցք կար, որը հեռացրին։ Բարեբախտաբար, չարորակ բջիջներ չհայտնաբերվեցին դրա մեջ։ Այժմ հայրս իրեն լավ է զգում, և կներկայանա դատական նիստին` տեղաշարժման որևէ խնդիր չունի»,–ասաց նա։
Հիշեցնենք, որ Քոչարյանին վիրահատել են հոկտեմբերի 9–ին «Իզմիրյան» բժշկական կենտրոնում։ Վիրահատությունից հետո նրան տեղափոխել էին «Կենտրոն» ՔԿՀ։
2018 թվականի հուլիսի 26-ին Մարտի 1-ի գործով Հատուկ քննչական ծառայությունում քննվող քրեական գործով Հայաստանի երկրորդ նախագահ Ռոբերտ Քոչարյանին մեղադրանք է առաջադրվել ՀՀ քրեական օրենսգրքի 300.1-ին հոդվածի 1-ին մասով այն բանի համար, որ նա այլ անձանց հետ նախնական համաձայնությամբ տապալել է Հայաստանի Հանրապետության սահմանադրական կարգը: