Երևանի ընդհանուր իրավասության դատարանում՝ դատավոր Աննա Դանիբեկյանի նախագահությամբ, քննարկում է Ռոբերտ Քոչարյանի նկատմամբ որպես խափանման միջոց գրավի կիրառումը թույլատրելի համարելու պաշտպանական կողմի միջնորդությունը։

Դատարանում մեղադրանքը պաշտպանող դատախազները դեմ են ՀՀ երկրորդ նախագահ Ռոբերտ Քոչարյանի նկատմամբ գրավի կիրառմանը։

Դատախազները հայտարարեցին, որ Ռոբերտ Քոչարյանը կապեր ունի ՀՀ-ից դուրս, և տևական ժամանակ բնակվել է ՀՀ-ից դուրս, ինչը մեծացնում է ՀՀ-ից տեղափոխվելու և վարույթն իրականացնող մարմնից թաքնվելու ռիսկը։

Բացի դրանից՝ դատախազ Պետրոս Պետրոսյանը նշեց, որ  գրավը պետք կիրառվի որպես խափանման միջոցներից մեկը և չպետք է պայմանավորել բացառապես թաքնվելու ռիսկով։ Ըստ նրա՝ նույն փուլում նույն միջնորդությունը ներկայացնելու համար անհրաժեշտ են նոր հանգամանքներ, մինչդեռ պաշտպանական թիմը մատնանշել էր այն փաստը, որ դատարանի որոշումից ժամանակ է անցել։