Սպասվում է սառնամանիք և ճանապարհների սառցակալում. Գագիկ Սուրենյան
Հայաստանում նոյեմբերի 1-ի լույս 2-ի գիշերը տեղի ունեցած ձյան ու ձնախառն անձրևի մասին SHANTNEWS.am-ի եթերում զրուցել է ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանը:
Նրա խոսքով՝ հանրապետության բարձրադիր գոտիներում ձյունը և բուքը կշարունակվի մինչև նոյեմբերի 4-ը, որից հետո կսկսվի արևոտ եղանակ, իսկ Արարատյան դաշտում եղանակը կցրտի, սակայն քիչ հավանական է ձյուն:
Գագիկ Սուրենյանը կոչ է արել հատուկ ուշադրություն դարձնել ոչ ցրտադիմացկուն ծառատեսակներին և բույսերին, իսկ վարորդներին խորհուրդ տվել Գյումրի, Ապարան, Գեղարքունիքի մարզ և բարձրադիր այլ գոտիներ ճանապարհվելիս օգտագործել միայն ձմեռային անվադողեր, քանի որ ճանապարհները սառցակալելու են:
