Հայկ Սարգսյանը մեղադրանքը չի ընդունում
Երեւանի ընդհանուր իրավասութան դատարանի Շենգավիթի նստավայրում քիչ անց կսկվի Սերժ Սարգսյանի եղբոր՝ Ալեքսանդր Սարգսյանի որդու՝ Հայկ Սարգսյանի գործով դատական նիստը:
Մինչ այդ Հայկ Սարգսյանը, ի պատասխան լրագրողների մի քանի հարցերի, միայն նշեց. «Լավ եղեք»: Հարցին՝ տեղեկություն ունի՞ հետախուզման մեջ գտնվող իր եղբորից, Սարգսյանը գլխով բացասական նշան արեց: Նա հրաժարվեց զրուցել լրագրողների հետ՝ եւս մեկ անգամ նշելով, որ մեղադրանքը չի ընդունում:
Հիշեցնենք, որ Հայկ Սարգսյանին մեղադրանք է առաջադրվել այն բանի համար, որ նա 2007թվականի ապրիլի 1-ին` ժամը 16:00-ի սահմաններում, իր բնակության վայրի` Երևան քաղաքի Թումանյան փողոցի 11շենքի 14 բնակարանի նկուղային հարկում գտնվող սենյակում, քննությամբ չպարզված հանգամանքներում ապօրինի ձեռք բերած և պահվող, հրազեն հանդիսացող տեսակի մոդելի ատրճանակով Դավիթ Աշոտի Սիմոնյանին ապօրինաբար կյանքից զրկելու դիտավորությամբ կրակել է վերջինիս որովայնին, սակայն հանցագործությունն ավարտին չի հասցրել իր կամքից անկախ հանգամանքներում:
