Բաքուն բողոքի նոտա է հղել Վաշինգտոնին

Պաշտոնական Բաքուն բողոքի նոտա է հղել Վաշինգտոնին՝ կապված Արցախի ԱԳ նախարար Մասիս Մայիլյանի՝ ԱՄՆ կատարած այցելության հետ։

Այս մասին հայտնում է Rusarminfo-ն՝ հղում անելով Ադրբեջանի ԱԳՆ մամլո քարտուղար Լեյլա Աբդուլաեւայի հայտարարությանը: Նրա խոսքով՝ ԱՄՆ-ում Ադրբեջանի դեսպանը Պետքարտուղարությանն է փոխանցել ադրբեջանական կողմի բողոքը։

«Համապատասխան նամակներ են ուղարկվել ԱՄՆ Կոնգրեսի Ներկայացուցիչների պալատի խոսնակին, ղեկավար կազմին, հանձնաժողովների նախագահներին, ինչպես նաև ԵԱՀԿ Մինսկի խմբի ամերիկացի համանախագահին»,- ասել է նա։

Նշենք, որ Արցախի պատվիրակությունը՝ ԱԳ նախարար Մասիս Մայիլյանի գլխավորությամբ, ներկա է գտնվել ԱՄՆ Ներկայացուցիչների պալատի նիստերի դահլիճում Հայոց ցեղասպանությունը ճանաչող H.R. 296 բանաձևի քննարկմանը։ Քվեարկության ավարտից հետո նա հնարավորություն է ունեցել զրուցելու բանաձևի համահեղինակներ Ֆրենկ Փալոունի և Աննա Էշուի հետ եւ  երախտագիտություն հայտնել նրանց։