«Էլլարդի» փորձագետներին հրավիրելու ենք ցուցմունք տալու․ ՔԿ նախագահ
Ամուլսարի հարցով փորձաքննությունից հետո կառավարության հետ ունեցած տեսակոնֆերանսի ժամանակ «Էլլարդ» փորձագիտական ընկերության ներկայացուցիչները որոշ հարցերի պատասխանել են, որոշներին՝ ոչ։
Իսկ որոշ դեպքերում նրանց ասածները տարբերվել են ՀՀ քննչական կոմիտեին տված եզրակացությունից։ Այս մասին այսօր Ազգային ժողովում հայտարարեց քննչական կոմիտեի ղեկավար Հայկ Գրիգորյանը:
«Դրա կապակցությամբ մեր մոտ քննությամբ նախատեսվում է, պլանավորվել է հրավիրել նաև «Էլլարդի» փորձագետներին, որպեսզի իրենք ցուցմունք տան իրենց տված եզրակացության շուրջ»,- ասաց պաշտոնյան։
