Շոյգուն խոսել է հայ-ռուսական պաշտպանական համագործակցության մասին
Երևանում այսօր հաստատել է Հայաստանի և Ռուսաստանի պաշտպանության նախարարությունների միջև 2020 թվականի համագործակցության ծրագիրը։ Հանդիսավոր միջոցառումը առիթ է եղել հայ-ռուսական պաշտպանական համագործակցությունը բնորոշելու համար։
«Մտադիր ենք մեր համագործայցությունը շարունակել նույնքան ինտենսիվ՝ չիջեցնելով հավաքած տեմպը»,- ասել է Ռուսաստանի պաշտպանության նախարարը։
Նա նշել է, որ ստորագրվող փաստաթղթով Հայաստանի և Ռուսաստանի պաշտպանության նախարարությունները 60 համատեղ ծրագիր են իրականացնելու հաջորդ տարվա ընթացքում։ Խոսքը ոչ միայն երկկողմ, այլև ՀԱՊԿ շրջանակներում իրականացվող ծրագրերի մասին է։
Շոյգուն նաև նշել է, որ իրենք շարունակելու են ՀՀ ԶՈւ սպաների պատրաստումը իրենց բուհերում․ Ռուսաստանի 25 ռազմական ուսումնական հաստատություններում, նրա խոսքով, ներկայում ուսում է ստանում 248 հայաստանցի սպա։
