Ես ողջունում եմ վարչապետի քայլը. Մարուքյան
ԱԺ «Լուսավոր Հայաստան» խմբակցության ղեկավար Էդմոն Մարուքյանը ֆեյսբուքյան իր էջում անդրադարձել է ՊԵԿ աշխատանքից ազատված ծառայողին կրկին աշխատանքի ընդունելու մասին ՀՀ վարչապետի հրահանգին:
«Երբ այս միջադեպն եղավ, ես քննադատեցի վարչապետին ՊԵԿ աշխատողին դիմում գրել տալու համար: Այսօր ես ողջունում եմ վարչապետի քայլը՝ ՊԵԿ նախկին ծառայողին իր աշխատանքին վերականգնելու և մեր պետական դրոշի նկատմամբ վերաբերմունքի չափանիշներ սահմանելուն միտված գործընթաց սկսելու առումով»,- գրել է նա:
