Քաղաքականություն

Վարչապետ Փաշինյանի հետ չէի պարում, տղամարդ Փաշինյանի հետ էի պարում. Սիլվա Անտոնյան

Վարչապետ Փաշինյանի հետ չէի պարում, տղամարդ Փաշինյանի հետ էի պարում. Սիլվա Անտոնյան
Հոկտեմբերի 26-ին Վանաձորի տոնն էր, որին ներկա էր նաև ՀՀ վարչապետ Նիկոլ Փաշինյանն իր տիկնոջ՝ Աննա Հակոբյանի հետ: Տոնական համերգի ժամանակ ՀՀ վարչապետը վալս էր պարում մի կնոջ հետ, ով, ինչպես ավելի ուշ…

Հոկտեմբերի 26-ին Վանաձորի տոնն էր, որին ներկա էր նաև ՀՀ վարչապետ Նիկոլ Փաշինյանն իր տիկնոջ՝ Աննա Հակոբյանի հետ: Տոնական համերգի ժամանակ ՀՀ վարչապետը վալս էր պարում մի կնոջ հետ, ով, ինչպես ավելի ուշ պարզվեց, Վանաձորի Թիվ 1 մշակույթի տուն ՀՈԱԿ-ի տնօրեն Սիլվա Անտոնյանն է։

Վերջինս ArmDaily.am-ի հետ զրույցում ասել է, որ կատակով կողքի նստածներն ասել են, թե մարդ չգնար վարչապետին հրավիրվեր պարի, ինքն էլ գնացել ու հրավիրել է.

«Ինքը սկզբում չլսեց, թե ինչ եմ ասում, բայց հետո հասկացավ ու սիրով ընդունեց հրավերս: Ես երաշխիք չունեի, որ կպարի, բայց ինքը մեծ սիրով ընդունեց»:

Հարցին՝ պարի ընթացքում զրուցե՞ լ են, Սիլվա Անտոնյանն ասել է՝ ոչ.

«Մենք պարն էինք վայելում: Միայն անունս հարցրեց, ես էլ ասացի՝ Սիլվա: Վերջում էլ ձեռքս համբուրեց, այսքանը: Վանաձորի տոնն այս անգամ շատ գունեղ էր, մասշտաբային: Շատրվանները տոնն ավելի գեղեցկացրին, ինչպես նաև վարչապետի ներկայությունն, ով չեկավ ընդամենը խոսեց ու գնաց, այլ վանաձորցիների հետ միասին մինչև վերջ մնաց ու տոնեց: Դա հարգանքի արժանի քայլ էր»:

 

Վանաձորցի կինը հիշում է, որ պարի վերջում կողքի նստողներին հարցրել է՝ գոնե նկարե՞լ եք, մի նկար ունենայի.

«Ես վարչապետ Նիկոլ Փաշինյանի հետ չէի պարում, ես տղամարդ Փաշինյանի հետ էի պարում»:

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7460) Միջազգային (3260) ԱՄՆ (2287) Ռուսաստան (2107) Իրան (1738) Ընտրություններ (1273) Ուկրաինա (827) Երևան (799) Իսրայել (759) Ադրբեջան (621) Փաշինյան (560) Եվրոպա (510) Ընդդիմություն (437) Թրամփ (430) Ազգային ժողով (417)

Radio Aurora

Լսել Radio Aurora

Գովազդային տարածք

300x250