Շուրջ 10 օր զորամասը լքած զինվորին հայտնաբերել են ընկերոջ տանը նստած. Հովհաննիսյան
Զորամասն ինքնակամ լքած զինծառայողին ռազմական ոստիկանությունը հայտնաբերել է ընկերոջ տանը՝ իր համար հանգիստ նստած: Այս մասին «Հայկական ժամանակ»-ի հետ զրույցում ասել է ՀՀ ՊՆ մամուլի խոսնակ Արծրուն Հովհաննիսյանը:
Նշենք, որ շուրջ 10 օր է՝ Վանաձոր քաղաքի բնակիչ, պարտադիր ժամկետային զինծառայող Էրիկ Գ.-ն ինքնակամ լքել էր զորամասը: Ռազմական ոստիկանությունն այս ամբողջ ընթացքում փնտրում էր զինծառայողին:
ՀՀ ՊՆ մամուլի խոսնակ Արծրուն Հովհաննիսյանը ՀԺ-ի հետ զրույցում ասել է, որ դեպքի առթիվ քրեական գործ է հարուցվել: Նա նաեւ նշեց, որ ծառայողական քննություն է ընթանում:
ՀՀ քննչական կոմիտեի դեպարտամենտի տեղեկատվության եւ հասարակայնության հետ կապերի բաժնի պետ Նաիրա Հարությունյանը մեր զրույցում ասաց, որ քրեական գործը հարուցվել է 361-րդ հոդվածի 1-ին մասով. «Զորակոչի կամ պայմանագրային հիմունքներով զինվորական ծառայություն անցնող զինծառայողի կողմից զորամաuը կամ ծառայության վայրն ինքնակամ թողնելը, ինչպեu նաեւ առանց հարգելի պատճառների ժամանակին ծառայության չներկայանալը երեք oրից ավելի, բայց մեկ ամuից ոչ ավելի տեւողությամբ, ինչպեu նաեւ երեք ամuվա ընթացքում երեք եւ ավելի անգամ մինչև երեք oր տեւողությամբ`պատժվում է կալանքով` առավելագույնը երեք ամիu ժամկետով, կամ կարգապահական գումարտակում պահելով` առավելագույնը երկու տարի ժամկետով»:
