Համաձայն չեմ ինձ առաջադրված մեղադրանքի հետ։ Այս մասին այսօր՝ հոկտեմբերի 28-ին, լրագրողների հետ զրույցում նշեց ԱԺ նախկին նախագահ Արա Բաբլոյանը։ 

«Ես բացառապես համաձայն չեմ մեղադրանքի հետ և հայտարարել եմ, որ մեղադրանքն ապօրինի է, ինչ արել եմ, արել եմ Սահմանադրության և օրենքների սահմաններում, որևէ նախնական պայմանավորվածություն չի եղել, ամեն ինչ եղել է այնպես, ինչպես միշտ աշխատել է Ազգային ժողովը»,-ասաց նա ։ 

Բաբլոյանը պնդեց՝ շարունակելու է պայքարել․ «Ես հայտարարել եմ, որ այլևս քաղաքականությամբ չեմ զբաղվում, զբաղվում եմ առողջապահությամբ և նպատակս այնէ, որ ժողովուրդն ինչպես ինձ հարգել է, շարունակի հարգել, որևէ տեղ չեմ գնա, կմնամ այս երկրում, մինչև վերջ կպայքարեմ, որ հաստատեմ, որ արդար եմ»։ 

Հարցին՝ մեղադրանքը քաղաքական հետապնդում համարում է, նա արձագանքեց․ «Շարունակենք այս գործընթացը, կերևա»։