ՏԵՍԱՆՅՈՒԹ. Վիրավոր փրկարարը վերակենդանացման բաժանմունքում է
Լոռու մարզի Բազումի լեռնաշղթայի անտառներում առաջացած խոշոր հրդեհը մարելու ժամանակ այրվածքներ ստացած հրշեջ-փրկարարը Վանաձորի բժշկական կենտրոնից ուղղաթիռով տեղափոխվել է ՀՀ ԱՆ Այրվածքաբանության ազգային կենտրոն: Ինչպես «Արմենպրես»-ին հայտնել են ՀՀ առողջապահության նախարարությունից, նա գտնվում է վերակենդանացման բաժանմունքում:
Առողջապահության նախարար Արսեն Թորոսյանի հանձնարարությամբ աշխատանքները համակարգում է նախարարի տեղակալ Լևոն Հակոբյանը։
Նախնական տվյալներով` տուժածի մոտ ստորին վերջույթների և ձեռքերի դաստակների 50% II և III աստիճանի այրվածքներ են, նաև` գլխի շրջանում:
Տուժածի առողջական վիճակի վերաբերյալ տեղեկատվություն կտրամադրվի լրացուցիչ:
