Գիտնականները պարզել են, թե ինչն է եղել Ալեքսանդր Մակեդոնացու մահվան պատճառը

Հունաստանում գիտնականները պարզել են, թե ինչն է եղել մեծ նվաճող Ալեքսանդր Մակեդոնացու մահվան պատճառը։ 

Ըստ գիտնականների՝ պատճառը եղել է ծանր թարախարյունությունը, որն առաջացել է ենթաստամոքսային գեղձի սուր բորբոքումից։ Ինչպես հայտնում է Greek Reporter-ը՝ հետազոտողները կարծում են, որ դրան հանգեցրել է լեղաքարային հիվանդությունն ու  ծանր սննդի ու ալկոհոլի նկատմամբ Մակեդոնացու կիրքը։

Նվաճողի մահվան պատճառը պարզելու համար անցկացվել է հետազոտություն, որի ընթացքում մանրակրկիտ ուսումնասիրվել են մակեդոնացի ցարի հիվանդություններն ու վերջին օրերը։