Երևան-Աշտարակ ավոճանապարհին մեքենա է շրջվել

Հոկտեմբերի 24-ին, ժամը 19:13-ին «911» ծառայություն ահազանգ է ստացվել, որ Երևան-Աշտարակ ավոճանապարհին՝ գազալցակայանի մոտակայքում, տեղի է ունեցել ՃՏՊ` «Opel» մակնիշի ավտոմեքենան շրջվել է, կա տուժած, անհրաժեշտ է փրկարարների օգնությունը:

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ Երևան-Աշտարակ ավոճանապարհին «Opel Astra» մակնիշի  ավտոմեքենան (վարորդ՝ Սերոժ Ա.) դուրս է եկել ավտոճանապարհի երթևեկելի հատվածից և շրջվել: Տուժածներ չկան:

Փրկարարները հոսանքազրկել են ավտոմեքենան և փակել գազի փականը: