Խաղողագողություն Այգեհովիտում. հասցվել է խոշոր չափի վնաս
Սեպտեմբերի 23-ին, ժամը 14.25-ին, ոստիկանություն էր զանգահարել մի իջեւանցի եւ հայտնել, որ Այգեհովիտ գյուղի իր այգու խաղողը գողացել են՝ պատճառելով մոտ 250 հազար դրամի վնաս:
Ոստիկանությունից հայտնում են, որ ոստիկանության Իջեւանի բաժնի ծառայողների ձեռնարկած միջոցառումների շնորհիվ պարզվել էր, որ գողությունը կատարել է նույն գյուղի բնակիչ 32-ամյա մի տղամարդ: Նույն օրը նա հրավիրվել էր բաժին և տվել բացարություն, որ նախորդ օրը ինքն է գողացել խաղողը և տեղափոխել իր տուն:
Նյութերի նախապատրաստման ընթացքում ձեռնարկված օպերատիվ-հետախուզական միջոցառումների շնորհիվ հոկտեմբերի 1-ին բաժին է հրավիրվել նաև Այգեհովիտի բնակիչ 42-ամյա մի կին: Նա խոստովանել է, որ սեպտեմբերի 13-ին նույն այգուց գողացել է մոտ 250 կգ խաղող:
Նախապատրաստվում են նյութեր:
