Գյումրիում հրդեհ է բռնկվել. տան բակում այրվել է ինքնաշեն կառույցի տանիքը
Հոկտեմբերի 24-ին, ժամը 16:57-ին «911» ծառայություն տեղեկություն է հաղորդվել, որ Շիրակի մարզի Գյումրի քաղաքի Ավստրիական թաղամասի Մոցարտի փողոցի տներից մեկն այրվում է:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:
Հրդեհը մեկուսացվել է ժամը 17:20-ին, մարվել՝ 17:48-ին:
Տան բակում այրվել են ինքնաշեն կառույցի տանիքը (մոտ 35 քմ), կենցաղային իրեր՝ ամբողջությամբ և մոտ 20 քմ խոտածածկույթ:
