Ծրագրից հանվում է հայոց լեզու և գրականություն, հայոց պատմություն առարկաները․ Իվետա Տոնոյան
«Բարգավաճ Հայաստան» խմբակցության պատգամավոր Իվետա Տոնոյանն այսօր ԱԺ-ում արտահայտեց իր մտահոգությունը, որ «Բարձրագույն կրթության և գիտության» մասին օրենքում նախատեսվում է փոփոխության, ըստ որի՝ բուհերում չեն ներառվելու հայոց լեզու, հայոց գրականություն և հայոց պատմություն առարկաները պարտադիր ուսուցվող առարկաների ցանկում։
«Այսօր կան տարբեր պաշտոններ զբաղեցնողներ, որոնք անգամ չգիտեն հայոց եռագույնի գույները ի՞նչ են խորհրդանշում կամ ո՞վ է օրհներգի հեղինակը։ Չեմ հասկանում բուհերի պարտադիր ուսումնական ծրագրից այս 3 առարկաների դուրս բերումը, երբ ծրագրից հանվում է 3 առարկա, որոնցից յուրաքանչյուրը սկսվում է հայ բառով։ Չեմ կարողանում հասկանալ, թե ո՞րն է այս օրգանական անհանդուրժողականությունը՝ հայկականի հետ կապված»,- ասաց նա։
