Այսօր ԱԺ-ում լրագրողների հետ ճեպազրույցում ԲՀԿ ղեկավար Գագիկ Ծառուկյանն անդրադարձավ ՍԴ նախագահ Հրայր Թովմասյանի շուրջ ստեղծված իրավիճակին և ընտանիքի անդամներին ԱԱԾ-ում հարցաքննվելուն.«Ես դա չեմ ընդունում: Հարցը Հրայր Թովմասյանն է: Մենք բոլորս կողմ ենք, թող պատժեն, մենք հանցագործությանը կողմ չենք: Բայց ես որպես հայ մարդ, ընտանիքի մարդ, տեսնելով, որ 16 ու 18 տարեկան երեխային կանչեն հարցաքննության, դա իմ համար անընդունելի է»:

անդրադառնալով ԱԺ աշխատակազմի ղեկավարի նախկին տեղակալ Արսեն Բաբայանի ձերբակալմանը։

«Բոլորս պետք է տեսնենք Արսեն Բաբայանին ձերբակալելու հիմնավորումները, պետք է տեսնել՝ հանցակազմ կա՞ այդ մարդու գործունեության մեջ, որի հիման վրա մարդուն ձերբակալել են։ Ձերբակալողներն են պատասխան տալու, եթե դա անհիմն է», - ասաց Գագիկ Ծառուկյանը։

ԲՀԿ ղեկավարն ասաց նաև, թե կյանքը շարունակվում է, և մարդիկ պետք է իրենց պաշտոններն ու լիազորությունները ճիշտ օգտագործեն։