Մարալիկ քաղաքի բնակիչը ավտոտնակի տանիքից հրազեն է հայտնաբերել ու հանձնել ոստիկանություն (տեսանյութ)

Ոստիկանության Անիի բաժնի ծառայողների տարած բացատրական աշխատանքի արդյունքում հոկտեմբերի 15-ին բաժին է եկել Մարալիկ քաղաքում ապրող 63-ամյա մի տղամարդ ու կամավոր հանձնել ակոսափող հրազեն՝ նախատեսված 5․6 մմ տրամաչփի փամփուշտ կրակելու համար։ 

Տղամարդու հայտնածով՝ զենքը գտել է ավտոտնակի տանիքում նորոգման աշխատանքներ կատարելիս։ 

Նշանակվել է դատաձգաբանական փորձաքննություն։ 

Հրազենը կամավոր հանձնած տղամարդն էլ բաց է թողնվել։