Ում մեքենայով է Սանասարյանը երեխային «վրաերթի» ենթարկել․ Armdaily
Ինչպես արդեն հայտնել ենք, Պետական վերահսկողական ծառայության ղեկավար Դավիթ Սանասարյանը, ում լիազորությունները այժմ կասեցված են քրեական գործի շրջանակներում, երեկվանից հայտնվել է սկանդալի կենտրոնում։
Երեխայի մայրը՝ Ալինա Կարապետյանը, հայտնել էր, որ իր 9-ամյա որդուն Սանասարյանը վրաերթի է ենթարկել՝ սև գունի «Toyota Camry» մակնիշի ավտոմեքենայով՝ 555 01 կամ 505 01 պետհամարանիշներով։
ArmDaily.am-ի հետ զրույցում Դավիթ Սանասարյանը հայտնել է, որ մեքենան իրենը չի. «Ընկերոջս մեքենան եմ վարում, դա իմ մեքենան չէ, պետական մեքենա չէ»։
Իսկ ՊՎԾ մամուլի խոսնակ Սեդա Աղբալյանը նշել է, որ նշված պետհամարանիշները չեն պատկանում ՊՎԾ-ին։
Լրատվականին հաջողվել է պարզել, որ մեքենան ոչ թե camry է, այլ corolla՝ 555 SO 01 համարանիշով, այն գրանցված է «Վալգարդ» ՍՊԸ-ի անունով։ Այդ ՍՊԸ-ի մասին համացանցային որոնումներից հայտնաբերեցինք, որ այն սնանկ է ճանաչվել։2018թ սեպտեմբերին։
Նշենք, որ Դավիթ Սանասարյանը պաշտոնը ստանձնելիս որպես սեփականություն մեքենա չի հայտարարագրել, սակայն մամուլում լուրեր էին շրջանառվում, որ նա շքեղ մեքենա է նվեր ստացել ստուգումներից հետո։
