«Բումերանգ» վարչապետի հետ. սելֆի անելու նոր սա՞րք է». «ուրիշին նվիրեք՝ մեր անունից». Փաշինյանը Սասունիկում՝ էքսպո ցուցահանդեսում
«Ծանոթանում եմ էքսպո ցուցահանդեսում ներկայացված Արագածոտնի մարզի տեղական արտադրանքին»,- ֆեյսբույքան ուղիղ եթերում ներկայացնելով իր շրջայցը՝ գրել է ՀՀ վարչապետ Նիկոլ Փաշինյանը։
Նշենք, որ այսօր Սասունիկ համայնքում անցկացվում է «Իմ քայլը՝ հանուն Արագածոտնի մարզի» բիզնես-համաժողովը:
Նիկոլ Փաշինյանին Սասունիկում ընթացող էսպոյի ժամանակ տաղավարներից մեկում առաջարկեցին լուսանկարվել: Վարչապետը չմերժեց: Տաղավարում ցուցադրված տեսախցիկի մոտ վարչապետին ասացին.
«Հենց կասեմ՝ կշարժվեք»:
Լուսանկարվելուց հետո վարչապետը հարցրեց.
«Եվ ի՞նչ»:
Նրան տեղեկացրին՝ արդեն իսկ կարող է կայքից ներբեռնել իրենց այդ շարժական լուսանկարը:
«Փաստորեն, սելֆի անելու նոր սարք է»,- կատակեց վարչապետը:
*
ՀՀ վարչապետին այսօր էսպոյի ժամանակ տաղավարներից մեկում նվեր ցանկացան տալ:
«Խնդրում եմ՝ էս պահից եկեք դադարեցնենք էդ նվեր տալը»,- ասաց վարչապետը՝ հորդորելով այդ նվերն իր անունից ուրիշին տալ:
