ԱՄՆ-ն կսահմանափակի բժշկական ապահովագրություն չունեցող ներգաղթյալների մուտքը երկիր

ԱՄՆ նախագահ Դոնալդ Թրամփը ստորագրել է հրամանագիր, որը սահմանափակում է բժշկական ապահովագրություն չունեցող և դրա համար գումար չունեցող ներգաղթյալների մուտքը ԱՄՆ: Համապատասխան հայտարարությունը հրապարակվել է Սպիտակ տան կայքում:

Այսպիսով, երկիր մուտք գործելիս ներգաղթյալը պետք է ունենա բժշկական ապահովագրություն, որը կգործի 30 օր կամ գումար, որպեսզի կարողանա վճարել բժշկական ծախսերը, հակառակ դեպքում ներգաղթյալի մուտքը ԱՄՆ կկասեցվի:

Նշվում է, որ այս օրենքը չի ազդում այն օտարերկրացիների վրա, որոնք արդեն ունեն գործող միգրացիոն վիզա, որը ուժի մեջ է եղել մինչ այս հրամանագրի արձակումը: Արգելքը չի տարածվում նաև այն մարդկանց վրա, ովքեր ունեն նաև այլ վիզաներ: Մասնավորապես, նոր կանոնները չեն ազդի ԱՄՆ մշտական բնակիչների, ապաստան հայցողների, փախստականի կարգավիճակ ունեցողների վրա:

Հրամանագիրը ուժի մեջ կմտնի 2019թ. նոյեմբերի 3-ին: