Շտապօգնության աշխատակիցները հրդեհից փրկել են քաղաքացուն

Առողջապահության նախարար Արսեն Թորոսյանը ֆեսյբուքյան իր էջում գրառում է կատարել ըստ որի ներկայացնում է շտապօգնության օպերատիվ աշխատանքը:

Գրառումը ներկայացնում ենք ստորև. 

Հոկտեմբերի 2-ին, Վանաձորում, բնակարաններից մեկում հրդեհ է բռնկվել: 

Մինչ հրշեջների դեպքի վայր ժամանելը` տեղում են եղել Վանաձորի բժշկական կենտրոնի շտապօգնության բրիգադը՝ վարորդ Կարեն Գրիգորյանը և շտապօգնության բժիշկ Տիգրան Աղաբեկյանը:

Վերջիններս վտանգելով իրենց կյանքը` պատշգամբից մտել են այրվող բնակարան և այրվածքներ ստացած ու ծխահարված տանտիրոջը տեղափոխել բժշկական կենտրոն։

Ուզում եմ շնորհակալություն հայտնել տղաներին` իրենց անձնուրաց աշխատանքի համար։ Նրանք առաջիկայում կպարգևատրվեն առողջապահության նախարարության շնորհակալագրերով։