Եղեգնաձորում տեղի ունեցած աղմկահարույց միջադեպի գործով քիչ առաջ ձերբակալվել է Վայոց ձորի մարզպետի օգնականի եղբայրը՝ Զավեն Գրիգորյանը: Այս մասին Aurora News-ի հետ զրույցում ասաց  ՀՀ Քննչական կոմիտեի տեղեկատվության եւ հասարակայնության հետ կապերի բաժնի պետ Նաիրա Հարությունյանը:

«Զավեն Գրիգորյանի եղբայրը՝ Հարություն Գրիգորյանը ձերբակալվել, ապա որոշ ժամանակ հետո կալանավորվել խմբի կազմում ուրիշի առողջությանը դիտավորությամբ ծանր վնաս պատճառելու կասկածանքով»:

Հիշեցնենք, որ Վայոց Ձորի Եղեգնաձոր քաղաքում սեպտեմբերի 18-ի գիշերը զինվորականների և մարզպետարանի աշխատակիցների մասնակցությամբ միջադեպ է գրանցվել։ ԶԼՄ–ների տեղեկություններով` ծեծկռտուքի հիմնական դերակատարը մարզպետի օգնական Հարություն Գրիգորյանն է եղել, որը ծանր վնասվածքներ է հասցրել փոխգնդապետ Արա Մխիթարյանին, որն այժմ կոմայի մեջ է։ Դատախազությունն ավելի վաղ հայտնել էր, որ մարզպետի օգնականը կալանավորվել է։

Ավելի ուշ Վայոց Ձորի մարզպետ Տրդատ Սարգսյանը հայտնել էր, որ ինքը մասնակցություն չի ունեցել դեպքին։ Այդուհանդերձ, մարզպետը հայտարարել է , որ լիազորությունները վայր կդնի  զորավարժությունների ավարտից հետո։ 

Նշենք, որ զորավարժությունները կավարտվեն 2 օրից։