Նվազագույն աշխատավարձը 55 հազար դրամից 68 հազար դրամ հասցնելու արդյունքում Հայաստանում աղքատությունը կնվազի 1․2 տոկոսով։

 Բայց սա բարձրացման անմիջական պատճառն է լինելու, իսկ հնարավոր անուղղակի ազդեցության արդյունքում աղքատությունը կնվազի մինչև 9․1 տոկոսով։ Այս մասին Ազգային ժողովում հայտարարեց աշխատանքի և սոցիալական հարցերի նախարարի տեղակալ Արման Ուդումյանը։

Նա բացատրեց, որ միջազգային փորձը ցույց է տալիս, որ նվազագույն աշխատավարձերի բարձրացումից հետո տնտեսության մեջ ճնշումներ են լինում, և մյուս աշխատողների աշխատավարձերն էլ են բարձրանում։ Դա, ըստ փոխնախարարի, ճիշտ է մոտ 50 տոկոս դեպքերի համար։

Ըստ այդմ՝ փոխնախարարը պնդեց, որ աշխատավարձերի շղթայական այս բարձրացման արդյունքում աղքատությունը հենց 9․1 տոկոսով կնվազի։