Նման մակարդակի հանդիպումները սպոնտան չեն լինում. Լևոն Քոչարյան. hraparak.am
Ռոբերտ Քոչարյանի կրտսեր որդին՝ Լևոն Քոչարյանը, այսօր «Հրապարակի» հետ զրույցում մեկնաբանել է իր մոր` Բելլա Քոչարյանի և Վլադիմիր Պուտինի հանդիպումը: Կրտսեր Քոչարյանը, սակայն, շռայլ չգտնվեց պատասխանների հարցում։
-Իսկ ի՞նչ կարող եք ասել, առհասարակ, Ձեր մայրիկի և ՌԴ նախագահի միջև տեղի ունեցած հանդիպման մասին։
-Հանդիպման փաստը, ինչպես գիտեք, հաստատել է նաև ՌԴ նախագահի մամուլի խոսնակը: Ավելին ասել չեմ կարող:
-Տեղյա՞կ էիք, որ ՌԴ նախագահը հանդիպելու է ձեզ հետ։
-Կարծում եմ կհամաձայնեք ինձ հետ, որ նման մակարդակի հանդիպումները սպոնտան չեն լինում:
-Արդյոք հանդիպման նպատակը եղե՞լ է այն, որ ՌԴ նախագահը փորձի միջնորդել ՀՀ իշխանությունների մոտ Ձեր հայրիկին կալանքից ազատելու հարցում։
-Չեմ կարող մեկնաբանել։
-Արդյոք ՌԴ նախագահը մտադրություն ունեցե՞լ է անձամբ Ռոբերտ Քոչարյանին հանդիպելու։ Հնարավո՞ր է՝ այդ հանդիպումն ինչ-ինչ պատճառներով չի ստացվել, դրա համար է նա Ձեր մայրիկին հանդիպել։
-ՌԴ նախագահի մտադրության մասին հարցի հասցեատերը, կարծում եմ, ես չեմ:
Մանրամասները` սկզբնաղբյուր կայքում
