Հավանաբար, խնդրել է մի ճար անել ամուսնու համար․ Կարինե Հարությունյանը՝ Բելլա Քոչարյան-Պուտին հանդիպման մասին
Լրագրող Կարինե Հարությունյանը ֆեյսբուքյան իր էջում գրել է. «Բելլա Քոչարյանը հանդիպել է Պուտինի հետ: Դժվար թե տիկինը միայն Պուտինի որպիսությունը հարցրած լինի: Նա, հավանաբար, խնդրել է մի ճար անել ամուսնու համար: Տիկին Բելլան դեռ չի՞ հասկացել, որ սա Նոր Հայաստանն է, և այս Նոր Հայաստանի վարչապետը նման միջնորդություններ չի ընդունում, առավել ևս չի անում: Էս օրենքի երկրում ի՞նչ միջնորդություն, ի՞նչ Պուտին, ապավինեք Աստծուն և օրենքին: Առաջինը կօգնի գիտակցել-հասկանալ՝ ինչը ինչի համար է, երկրորդը կաջակցի հնարավորինս չհետաձգել ձեր տանելիքը: Մեզանից յուրաքանչյուրը պատասխանատու է իր արածների համար: Հարմարվեք նոր Հայաստանին: Սա ձեր ապաշխարանքի հնարավորությունն է»:
