Չեմ կարծում, որ գազի սակագինը կփոխվի ձմեռային ամիսներին. փոխվարչապետ
Կառավարությունը փորձում է ռուսական կողմի հետ գազի գնի շուրջ բանակցություններում ձեռք բերել ոչ թե մեկ-երկու տարվա պայմանավորվածություն, այլ ավելի երկար կարգավորում։
Այս մասին այսօր խորհրդարանում ԲՀԿ պատգամավոր Սերգեյ Բագրատյանի հարցին պատասխանելիս նշել է փոխվարչապետ Մհեր Գրիգորյանը։
Նա ասել է, որ մինչև տարեվերջ կունենանք վերջնական արդյունքի մասին պատկերացում։
Գրիգորյանն ասել է, որ բանակցությունների ընթացքն այնպիսին է, որ ինքը չի կարծում, որ կարող է մի օր հայտարարեն, որ հաջորդ օրվանից գազը թանկանալու է։ Նրա խոսքերով՝ եթե գազի գնի փոփոխություն լինի, ապա այն կգործի հայտարարվելուց որոշակի ժամանակ հետո։
«Չեմ կարծում նաև, որ սակագինը կփոխվի դեպի թանկացում ձմեռային ամիսներին։ Կարծես թե կա փոխադարձ հասկացվածություն, որ նման բան չի կարելի թույլ տալ»,- ասել էԳրիգորյանը։
