Ինչ խնդիրներ կան «Սևան» և «Աբովյան» քրեակատարողական հիմնարկներում

ՀՀ ԱՆ քրեակատարողական հիմնարկներ աշխատանքային այցերի  ընթացքում վերհանված խնդիրների լուծման ուղղությամբ տրված հանձնարարականների կատարումը ստուգելու նպատակով ՀՀ ԱՆ քրեակատարողական ծառայության պետ, ադարադատության գեներալ-մայոր Արթուր Գոյունյանը տեղակալներ, արդարադատության գնդապետներ Ռոբերտ Մինասյանի և Վարդգես Ծաղիկյանի ուղեկցությամբ սեպտեմբերի 27-ին կրկին այցելել է «Սևան» և «Աբովյան» ՔԿՀ-ներ:

ՀՀ ԱՆ քրեակատարողական ծառայության հանրային կապերի բաժնից հայտնում են, որ ծառայության պետը շրջել է հիմնարկներում և գոհունակություն հայտնել նախորդ այցի ընթացքում տրված հանձնարարականները սեղմ ժամկետներում լիովին և պատշաճ կատարելու համար:

«Աբովյան» քրեակատարողական հիմնարկի շրջայցի ժամանակ ծառայության պետը զրուցել է նաև անչափահաս կալանավորված անձանց հետ, լսել նրանց խնդիրները՝ վերջիններիս ուշադրությունը բևեռելով հատկապես լիարժեք ուսում ստանալու վրա: 

Հիշեցնենք, որ սեպտեմբերի 25-ին «Աբովյան» քրեակատարողական հիմնարկի երկու կին դատապարտյալ փորձել են փախուստի դիմել: