ՏԵՍԱՆՅՈՒԹ. Կարապի լճում համտեսում են աշխարհի ամենաերկար գաթան

Կարապի լճում այսօր երևանցիները հնարավորություն են ունեցել համտեսել աշխարհի ամենամեծ և երկար գաթան: Հայկական ավանդական թխվածքաբլիթը ունեցել է 65 մետր երկարություն և կշռել է 410 կգ՝ գերազանցելով նախորդ տարվա ռեկորդը:

Երևանի կենտրոն վարչական շրջանի թաղապետ Վիկտոր Մնացականյանը, որը ներկա էր մեծ գաթայի համտեսին, նշեց, որ կազմակերպվել է մեր ազգային ավանդույթներին համարժեք միջոցառում:

Նրա խոսքով` սա իսկապես մեծ նվեր է Երևանին և նրա հյուրերին:

Համտեսի կազմակերպիչների խոսքով` նպատակ կա գաթայի համտես-հյուրասիրությունը դարձնել ավանդույթ՝ ճանաչելի դարձնելով հայկական խոհանոցի տարածված ծիսական աղանդերը:

Ողջույնի խոսքից հետո գլխավոր խոհարարը չափեց գաթայի երկարությունը և հայկական համեղ քաղցրավենիքը կտրվեց ու բաժանվեց հյուրերին:

Գաթայի համտեսի արարողությանը ներկա էին երևանցիներ, զբոսաշրջիկներ, հնչում էր ազգային երաժշտություն:

Տեսանյութը shantnews.am -ի.