Գեղարդավանքում վարդապետն ու կարգալույծ արված եկեղեցականները դրսևորել են ագրեսիվ վարքագիծ

Ոստիկանության Կոտայքի բաժնում նյութեր են նախապատրաստվում սեպտեմբերի 23-ին Ոստիկանության Կոտայքի բաժին դիմած Տեր Կյուրեղ վարդապետի դիմումի փաստով։

Shamshyan.com-ի հաղորդմամբ, վերջինս Էջմիածին քաղաքի Մայր Աթոռ հաղորդում է տվել, որ սեպտեմբերի 19-ին ժամը 15։00-ի սահմաններում Սուրբ Գեղարդավանք են այցելել կարգալույծ արված նախկին եկեղեցականներ՝ Ղազարոս Կյուրեղյանը և Արմեն Առաքելյանը։ Նրանց հետ եղել են նաև 4-5 անձինք։

Նախկին եկեղեցականները կրելով եկեղեցական սքեմ, որի իրավունքը չեն ունեցել, ցանկացել են իրականացնել ծիսակատարություն, որի արտոնությունից եկեղեցական կանոնակարգով նույնպես զրկված են եղել։

Տեր Կյուրեղը հայտնել է, որ ինքը մոտենալով նրանց, հանդարտվելու և սթափության կոչ է արել, ու խնդրել չիրականացնել այն, ինչը վերապահված է միայն եկեղեցականին։ Վերջիններս դրանից հետո, դրսևորելով բացահայտ անհարգալից վերաբերմունք եկեղեցու և եկեղեցուն ծառայող անձանց հանդեպ, դրսևորել են ագրեսիվ վարքագիծ, փորձելով հրահրել բախում, խախտելով եկեղեցու հասարակական կարգն ու կանոնը։

Մանրամասները՝ սկզբնաղբյուր կայքում: