«Արարատցեմենտ» ՓԲԸ-ն դադարեցնում է Կապան համայնքում ցեմենտի արտադրամասի կառուցապատման գործընթացները
«Արարատցեմենտ» ՓԲԸ-ն դադարեցնում է Կապան համայնքում ցեմենտի արտադրամասի կառուցապատման գործընթացները: Այս մասին հայտարարություն է տարածել «ՄՈՒԼՏԻ ԳՐՈՒՊ» Կոնցեռնի տնօրենների խորհուրդը:
Հայտարարությունը` ստորև
Հարգելի՛ հայրենակիցներ,
ինչպես տեղյակ եք, «Արարատցեմենտ» ՓԲԸ-ն Կապան համայնքում նախատեսում էր կառուցել ցեմենտի աղացման արտադրամաս: Օրենքով նախատեսված ընթացակարգով համայնքում պետք է կազմակերպվեին հանրային լսումներ, որոնց կայացումը սակայն շուրջ 2 տարի խոչընդոտվում էր տեղի հասարակական կազմակերպությունների և բնակիչների կողմից: «Մուլտի Գրուպ» կոնցեռնի տնօրենների խորհուրդը հաշվի առնելով «Մուլտի Գրուպ» կոնցեռնի սեփականատեր Գագիկ Ծառուկյանի կողմից մշտապես հնչեցված այն տեսակետը, որ ցանկացած հարցում պետք է ականջալուր լինել ժողովրդի ցանկությանը՝ որոշում է կայացրել կասեցնել Կապան համայնքում ցեմենտի արտադրամասի կառուցապատման գործընթացները:
«ՄՈՒԼՏԻ ԳՐՈՒՊ» ԿՈՆՑԵՌՆԻ ՏՆՕՐԵՆՆԵՐԻ ԽՈՐՀՈՒՐԴ
