Լեզվակռիվ և փոխհրաձգություն Ղրղզստանի և Տաջիկստանի սահմանին

Ղրղզստանի և Տաջիկստանի սահմանին տեղի է ունեցել փոխհրաձգություն։ Տեղի ունեցած փոխհրաձգության հետեւանքով զոհվել է մեկ ղրղզ սահմանապահ, եւս 6 զինծառայող վիրավորվել է, տեղեկացնում է TACC-ը։ Ղրղզական կողմը հայտնում է, որ փոխհրաձգության պատճառ են հանդիսացել սահմանի չհամաձայնեցված տարածքներում Տաջիկստանի քաղաքացիների կողմից իրականացված շինաշխատանքները։ Ի պատասխան՝ Ղրղզստանի քաղաքացին համանման գործունեություն է ծավալել նույն տարածքում, ինչին տաջիկներն ագրեսիվ կերպով են արձագանքել՝ պահանջելով դադարեցնել։ Սկսվել է լեզվակռիվ, որը վերաճել է փոխհրաձգության։ Տաջկական կողմը հայտնում է, որ միջադեպի հետևանքով մի քանի քաղաքացիներ հրազենային վնասվածքներ են ստացել։