![Ռազմական ակադեմիայի մոտ տեղադրված արագաչափը գողացել են](https://auroranews.am/storage/img/base_image/old/b52b1c6b7adc93aeb909ad16d51e80d1.webp)
Ռազմական ակադեմիայի մոտ տեղադրված արագաչափը գողացել են
![Ռազմական ակադեմիայի մոտ տեղադրված արագաչափը գողացել են](https://auroranews.am/storage/img/base_image/old/b52b1c6b7adc93aeb909ad16d51e80d1.webp)
Shamshyan.com-ի տեղեկություններով՝ երեկ՝ սեպտեմբերի 12-ին, ոստիկանության Նոր Նորքի բաժնի քրեական հետախուզության բաժանմունքի ծառայողները ձեռնարկված օպերատիվ-հետախուզական միջոցառումների շնորհիվ գողություն կատարելու կասկածանքով ոստիկանության Նոր Նորքի բաժին են բերման ենթարկել Ավան վարչական շրջանի բնակիչ, 32-ամյա Սերգեյ Հովհաննիսյանին։
Վերջինս կասկածվում է սեպտեմբերի 12-ին ժամը 00:30-ի սահմաններում տեխնիկական միջոցների գործադրմամբ Երևան քաղաքի Վազգեն Սարգսյանի անվան Ռազմական ակադեմիայի դիմաց մայթին տեղադրված արագաչափ սարքը գողանալու մեջ:
Կայքի տեղեկություններով՝ ոստիկանները հայտնաբերել են նաև գողացված արագաչափ սարքը: