Ինքնասպանություն գործած զինծառայողը 2 քույր և1 եղբայր ուներ
Տավուշի մարզի գյուղերից մեկի տան անասնագոմում պայմանագրային զինծառայող է ինքնասպան եղել: Այս մասին «Հայկական ժամանակ»-ին հայտնեց ՀՀ ՊՆ մամուլի խոսնակ Արծրուն Հովհաննիսյանը։
Հովհաննիսյանը նշեց, որ իրականացվում է քննություն՝ պարզելու համար կատարվածի հանգամանքները։
Պայմանագրային զինծառայող Արմեն Ներկարարյանը Տավուշի մարզի Գանձաքար գյուղից էր, 21 տարեկան:
Գանձաքարի համայնքապետ Վարդգես Դովլաթբեկյանը մեր զրույցում ասաց, որ դեռեւս պարզ չէ, թե որն է ինքնասպանության պատճառը: Հարցին՝ ընտանիքի սոցիալական վիճակն ինչպիսի՞ն է, Դովլաթբեկյանը պատասխանեց. «Անասնապահությամբ էին զբաղվում ընտանիքով, ինքը պայմանագրային ծառայող էր: Խելոք ընտանիք էր, իրենց աշխատանքով»:
Համայնքապետի խոսքով՝ Ներկարարյանը ամուսնացած չէր, 2 քույր ունի, 1 եղբայր:
