Պուտինը, Ալիևը և Ռոհանին կհանդիպեն ՌԴ֊ում. Ուշակով
Ռուսաստան-Ադրբեջան-Իրան գագաթնաժողովը, որն ավելի վաղ հետաձգվել էր, կանցկացվի Ռուսաստանում, սակայն հանդիպման նոր ժամկետները դեռևս հայտնի չեն: Այս մասին լրագրողներին հայտնել է ՌԴ նախագահի օգնական Յուրի Ուշակովը:
«Մենք այն տեղափոխել ենք գործնական նկատառումներից ելնելով և գործընկերների հետ պայմանավորվել ենք համաձայնեցնել այն անցկացնելու նոր ժամկետը, սակայն պարզ է, որ հանդիպումը կայանալու է մեր երկրում», -ТАСС գործակալության փոխանցմամբ՝ ասել է Ուշակովը:
Հիշեցնենք, որ ավելի վաղ ՌԴ նախագահի մամուլի քարտուղար Դմիտրի Պեսկովը նշել էր, որ Իրանի, ՌԴ-ի և Ադրբեջանի նախագահների եռակողմ հանդիպումը հետաձգվել է տեխնիկական պատճառներով:
