Ամուլսարի հանքը մեր «հագով չէ». Ջերմուկի բնակիչ

Ամուլսարը վաղուց է դուրս եկել սարի բնույթից. այն քաղաքական, բնապահպանական, կենցաղային հարց է, որը լուծում է պահանջում է հենց այսօր, ոչ ուշ: Այս մասին Ջերմուկում հայտարարեց հանրահավաքի մասնակիցներից մեկը, ով նշեց, որ Ջերմուկի բնակիչ է:

Նա ասաց, որ «Ամուլսարից ձնագունդ է պոկվել, որը գնալով ահագնանում է», խոսքը ժողովրդի ցասման մասին է:

Քաղաքացին ասաց, որ Ամուլսարը չպետք է հանք դառնա, որովհետև Ջերմուկն ընտրել է իր կենսակերպը՝ բազմաճյուղ զբոսաշրջություն, հանքաջրաբուժություն, հանքային ջրի շշալցման արտադրություն:

«Հանքը մեր հագով չէ, հանքահենները Ամուլսարով ձևում են չորս ոտքերով շապիկ: Մենք այդպիսի շապիկ չենք կրելու, մենք հպարտ, անկեղծ ժողովուրդ ենք ու պայքարում ենք մեր իրավունքների համար, մեր առողջության համար»,-նշեց նա: