Ասենք նախարարին եկել եք խաչապուրիի՞ց եք հարցնում. Արայիկ Հարությունյանը վրդովվեց
ՀՀ կրթության, գիտության, մշակույթի եւ սպորտի նախարար Արայիկ Հարությունյանին այսօր Կառավարությունում լրագրողների հետ ճեպազրույցի ժամանակ վրդովեցրեց ՀՊՏՀ դասախոսի՝ խաչապուրի ուտելու վերաբերյալ իրեն ուղղված հարցը:
«Ասենք նախարարին եկել եք խաչապուրիի՞ց եք հարցնում: Բուհի շուրջ, բուհի ներքին հարցերն են, մանր հարցեր են, թող իրենք բուհում քննարկեն», - ասաց նախարարը:
Դիտարկմանը, թե եթե մանր հարցեր են, ապա նորմալ է, որ բուհի ռեկտորն այն ներկայացրել է հանրությանը, նախարարն ասաց. «Ռեկտորին, կարծում եմ, տվել եք այդ հարցերը»:
Նախարարը նշեց, որ ՀՊՏՀ-ում դասախոսների բողոքների հետ կապված հարցերը օրենքի շրջանակում են շարունակվում մնալ եւ չեն ազդի սեպտեմբերի 1-ին մեկնարկող դասապրոցեսի վրա:
«Մենք չենք թողնի, որպեսզի խնդիրները դուրս գան օրենքի եւ իրավունքի դաշտից» ,-ասաց Հարությունյանը:
