ՌՈ պետի գլխավորած պատվիրակությունն այցելել է Վրաստան

Երկկողմ համագործակցության շրջանակում օգոստոսի 12-ից 16-ը ՀՀ ՊՆ ռազմական ոստիկանության պետ, գնդապետ Արթուր Բաղդասարյանի գլխավորած պատվիրակությունն այցելել է Վրաստանի Հանրապետություն: Այս մասին հայտնում են ՀՀ ՊՆ մամուլի ծառայությունից։

Այցի ընթացքում ՀՀ ՊՆ ՌՈ պատվիրակությունը հանդիպել է Վրաստանի Հանրապետության ՌՈ դեպարտամենտի պետ, գեներալ-մայոր Աբեսալոմ Մանջավիձեի հետ: Քննարկվել են Հայաստանի հանրապետության եւ Վրաստանի հանրապետության պաշտպանության նախարարությունների միջեւ ռազմական ոստիկանության ոլորտում համագործակցության հեռանկարները: