Զելենսկին հրահանգել է հեշտացնել Ուկրաինայի քաղաքացիության շնորհումը ռուսներին
Ուկրաինայի նախագահ Վլադիմիր Զելենսկին կառավարությանը հանձնարարել է օրինագիծ պատրաստել ռուսներին ուկրաինական քաղաքացիություն շնորհելու կարգի պարզեցման մասին:
Ինչպես փոխանցում է РИА Новости-ն, հրամանագրում, որը հրապարակվել է երկրի ղեկավարի կայքում, նշվում է, որ խոսքն այն անձանց մասին է, որոնք «հետապնդման են ենթարկվել քաղաքական համոզմունքների պատճառով»:
Հրամանագրի համաձայն՝ հեշտացված կարգը կտարածվի նաև արտասահմանցիների և քաղաքացիություն չունեցող անձանց վրա, որոնք մասնակցել են «Ուկրաինայի ազգային անվտանգության և պաշտպանության ապահովմանը»:
Կառավարությունը պետք է առավել հեշտացնի ռուսների դիմումների դիտարկումների և որոշումներ կայացնելու ընթացակարգը:
