ՌԴ նախագահը հետևում է ընթացող ակցիաներին. Դմիտրի Պեսկով

ՌԴ նախագահ Վլադիմիր Պուտինն ուշադրությամբ հետևում է Մոսկվայում ընթացող բողոքի ակցիաներին: Ինչպես հաղորդում է RT-ն, այս մասին հայտնել է ՌԴ նախագահի խոսնակ Դմիտրի Պեսկովը:

«Նախագահն, իհարկե, ուշադրություն է դարձնում տեղի ունեցողին… Ռուսաստանում ամեն օր բազմաթիվ իրադարձություններ են տեղի ունենում, որոնք, բնականաբար, նախագահի ուշադրությանն արժանացող հարցեր են»,- ասել է նա:

Պեսկովն ընդգծել է՝ ոչ բոլոր հարցերով է, որ նախագահը պարտավոր է իր տեսակետը հայտնել:

ՌԴ նախագահի խոսնակը նաև նշել է, որ մայրաքաղաքում անցկացվել են թե՛ նախապես հայտարարված ակցիաներ, թե՛ անկարգությունների կազմակերպման փորձեր: